ဖုန်းကုန်သွယ်ခွန် ၅ ရာခိုင်နှုန်း ကျပ် ၇.၄၅၅ ဘီလီယံ ပညာရေးကို ခွဲဝေပေး
၂၀၁၆-၂၀၁၇ ဖုန်းကုန်သွယ်လုပ်ငန်းခွန်ရဲ့ ၅ ရာခိုင်နှုန်းဖြစ်တဲ့ ကျပ် ၇.၄၅၅ ဘီလီယံကို ပညာရေးဝန်ကြီးဌာနထံ ခွဲဝေပေးအပ်ခဲ့တယ်လို့ စီမံကိန်းနဲ့ ဘဏ္ဍရေးဝန်ကြီးဌာန၊ဒုတိယ၀န်ကြီး ဦးမောင်မောင်ဝင်းက ပြောပါတယ်။............................................
ဇွန် ၂၂ရက် အမျိုးသားလွှတ်တော်မှာ မန္တလေးတိုင်း၊အမှတ် ၆မဲဆန္ဒနယ်က ဒေါက်တာဦးကြွယ်ကြွယ်ရဲ့ ပြည်သူများတယ်လီဖုန်းအသုံးပြုခြင်းမှ ကောက်ခံရရှိတဲ့ ကုန်သွယ်လုပ်ငန်းခွန် ၅ရာခိုင်နှုန်းကို ပညာရေးအတွက် ဘယ်လို သုံးစွဲနေလည်း ဆိုတဲ့ မေးခွန်းကို ဖြေကြားရင်း ဒုဝန်ကြီးက ပြောခဲ့တာဖြစ်ပါတယ်။
ပညာရေးဝန်ကြီးဌာနလက်အောက်မှာရှိတဲ့ ဦးစီးဌာန ၄ခုက ဖုန်းကုန်သွယ်ခွန်ကရတဲ့ ကျပ် ၇.၄၅၅ ဘီလီယံကို ခွဲဝေသုံးစွဲနေတယ်၊ပုံနှိပ်စာအုပ်များ ပုံနှိပ်ထုတ်ဝေခြင်း၊သင်ထောက်ကူပစ္စည်းများ ၀ယ်ယူဖြည့်တင်းခြင်း၊ဝေးလံခေါင်းပါးတဲ့ဒေသများရှိ ဆရာ ဆရာမများ နေထိုင်ရန် ၀န်ထမ်းအိမ်ရာတည်ဆောက်ခြင်း စတဲ့ လုပ်ငန်းရပ်များမှာ ခွဲဝေ သုံးစွဲနေတာလည်း ဖြစ်ပါတယ်။အစိုးရသစ်လက်ထက်မှာ ဖုန်းကုန်သွယ်ခွန်ကရတဲ့ အခွန်ငွေထဲက ၅ ရာခိုင်နှုန်းကို ပညာရေးအတွက်သုံးစွဲဖို့ ဆုံးဖြတ် လုပ်ဆောင်နေတာ ဖြစ်ပါတယ်။
MCN TV News
No comments:
Post a Comment