မြန်မာ့ စပါးအုံးမြွေရဲ့ မွေးရပ်မြေမှာ ခါးပတ်လုပွဲ
ဇွန်လ ၃၀ ရက် ဆိုရင် ရုရှားက ဗစ်တာလီ ဘစ်ဒက်ရ်ှနဲ့ သုဝဏ္ဏ မိုးလုံလေလုံကွင်းမှာ မကျေပွဲ ပြန်လည် ထိုးသတ်မယ့် မြန်မာ့ စပါးအုံး အောင်လအန်ဆန်နဲ့ ပတ်သက်တဲ့ အချက်အလက်တွေ ကြည့်ရအောင်ပါ။
အသက် ၃၂၊ အရပ် ၆ ပေ ၁ လက်မ၊ ကိုယ် အလေးချိန် ၁၈၅ ပေါင် ရှိတဲ့ အောင်လအန်ဆန်ဟာ မစ်ဒယ်ဝိတ်တန်းမှာ ထိုးသတ် သူဖြစ်ပါတယ်။
ထိုးသတ်နည်းပေါင်းစုံကို ခွင့်ပြုတဲ့ One Championship ပွဲတွေမှာ မြစ်ကြီးနားဇာတိ ကချင်နွယ်ဖွား အောင်လအန်ဆန်ဟာ ၁၉ ပွဲနိုင်၊ ၁ဝ ပွဲရှုံးထားပါတယ်။
နိုင်ငံတကာ ဇာတ်ခုံပေါ်မှာ မြန်မာ ဆိုတဲ့ နာမည်ကို ဆောင်ကြဉ်းပေးတဲ့ လက်ရှိ ခေတ်ပြိုင် တွေထဲ အောင်လအန်ဆန် အပါအဝင်မို့ မြန်မာ နိုင်ငံသားတွေရဲ့ အကြီးအကျယ် အားပေးမှု ရရှိထားသူပါ။
အင်ဒိုနီးရှား ပွဲတုန်းက ပြင်ဆင်ချိန် ၁ရက် အနည်းငယ်ပဲ ရခဲ့ပေမယ့် ပွဲမရှောင်ခဲ့ပဲ ကမ္ဘာ့ ချန်ပီယံ ဗစ်တာလီနဲ့ ၅ ချီပြည့် ထိုးသတ်ခဲ့သူမို့ အောင်လအန်ဆန်ကို ရဲရင့်တဲ့ နှလုံးသားမျိုး ရှိသူလို့ အများက လေးစား ခဲ့ပါတယ်။
အခုတော့ သူ့ကို ချစ်ကြတဲ့ မြန်မာ ပရိသတ်တွေရှေ့ အောင်လအန်ဆန်ဟာ ဗစ်တာလီနဲ့ မကျေပွဲ ပြန်ထိုးသတ်တော့မှာ ဖြစ်ပါတယ်။ #ဘီဘီစီမြန်မာပိုင်း
http://bbc.in/2ttC6V0
No comments:
Post a Comment