လီဗာပူးသတင်းတိုများ
=============
နာဘီကီတာအတွက်လီဗာပူးအသင်းရဲ့ပေါင်၅၇သန်းကိုငြင်းပယ်ခဲ့တဲ့ RB လိုက်ပ်ဇစ်အသင်းဟာပေါင်၆၅သန်းပမာဏနဲ့ကမ်းလှမ်းမယ်ဆိုရင်ငြင်းပယ်ဖို့ခက်ခဲတယ်လို့ပြောခဲ့တာကြောင့်လီဗာပူးအသင်းနောက်တစ်ကြိမ်ကမ်းလှမ်းမှုဟာအောင်မြင်မှုရဖို့နီးစပ်နေပါတယ်။
လာဇီယိုကိုပေါင်၅သန်းနဲ့ပြောင်းရွေ့တော့မှာဖြစ်တဲ့လူးကပ်စ်လီဗာဟာလာမည့်တနလာင်္နေ့ Rome မှာဆေးစစ်မှုခံယူရန်စီစဉ်ထားတယ်လို့်သိရပါတယ်။
လီဗာပူးကိုပေါင်၈သန်းနဲ့ရောက်ရှိဖို့နီးစပ်နေတဲ့ဟူးစီးတီးနောက်ခံလူအန်ဒီရော်ဘတ်ဆင်ဟာအန်ဖီးကလပ်ရဲ့ဟောင်ကောင် Asia Trophy ကိုမမှီတော့ပေမယ့်လည်းလီဗာပူးအသင်းဟာသာဘာလင်နဲ့ခြေစမ်းပွဲမတိုင်မီအပြီးသတ်ခေါ်ယူနိုင်ဖို့ရှိနေပါတယ်။
ရော်ဘတ်ဆင်ဟာလီဗာပူးကိုရောက်ဖို့နီးစပ်နေသလိုဟူးစီးတီးအသင်းကလည်းလီဗာပူးလူငယ်ကြယ်ပွင့်ရိုင်ယန်ကန့်ကိုတစ်ရာသီအငှါးစာချုပ်နဲ့ခေါ်ယူနိုင်ဖို့စိတ်ဝင်စားနေတယ်လို့သိရပါတယ်။
မိုဟာမက်ဆာလက်နဲ့ပက်သက်ပြီးဂျိမ်းမီနာက "သူအရမ်းကောင်းပါတယ်။ သူဟာထိပ်တန်းကစားသမားတစ်ဦးဖြစ်ပြီးသူဒီမှာရှိတဲ့အချိန်အနည်းငယ်အတွင်းမှာပြသသွားနိုင်ခဲ့ပါတယ်။ သူဟာလီဗာပူးရဲ့အကောင်းဆုံးအားဖြည့်မှုဖြစ်ပြီးဂိုးသွင်းယူနိုင်ခဲ့တာဟာသူ့အတွက်အရမ်းကောင်းပါတယ်။" လို့ပြောသွားပါတယ်။
Sky Sports Program ရဲ့အမေးအဖြေကဏ္ဍမှာအဒမ်လယ်လာနာကလီဗာပူးအသင်းရဲ့ဝတ်စားဆင်ယင်မှုအဆိုးဆုံးကစားသမားဟာဂိုးသမားဆိုင်မွန်မက်နိုလက်ဖြစ်ကြောင်းပြောလိုက်ပါတယ်။
အင်တာကိုပြောင်းရွေ့ဖို့အလွန်နီးစပ်နေပြီဖြစ်တဲ့နိုက်စ်အသင်းရဲ့နောက်ခံလူဒဲလ်ဘတ်ကလီဗာပူးရဲ့စိတ်ဝင်စားမှုကိုရရှိခဲ့ပေမယ့်စီးရီးအေကလပ်ရဲ့မငြင်းဆန်နိုင်လောက်အောင်ကောင်းမွန်တဲ့ကမ်းလှမ်းမှုကိုရရှိခဲ့တာကြောင့်ပရီးမီးယားလိဂ်ကလပ်ကိုငြင်းပယ်ခဲ့ကြောင်းပြောလိုက်ပါတယ်။
တော့တင်ဟမ်ဟော့စပါးအသင်းဟာလီဗာပူးကွင်းလယ်လူဟောင်းဆူဆိုကိုအေစီမီလန်အသင်းထံပြောင်းရွေ့ကြေးပေါင်၁၉သန်းနဲ့ကမ်းလှမ်းတော့မယ်လို့သိရပါတယ်။
No comments:
Post a Comment